ՀՀ Նախագահ Արմեն Սարգսյանն ընդունել է ՀՀ կառավարության հրաժարականը:
Այս մասին հայտնում է ՀՀ Նախագահի մամուլի ծառայությունը:
Հիշեցնենք, որ ավելի վաղ Կառավարության ղեկավար Սերժ Սարգսյանը հանդես էր եկել հայտարարությամբ, որում ասել էր, որ թողնում է Հայաստանի վարչապետի պաշտոնը։
Վարչապետի լիազորությունները փոխանցվել էին առաջին փոխվարչապետ Կարեն Կարապետյանին, ով վարել էր Կառավարության արտահերթ նիստը, որի ժամանակ վարչապետի պաշտոնակատարը հայտնել էր Կառավարության անդամներին, որ աշխատանքի որևէ խափանում չպետք է լինի, և դա պետք է լինի պետականության հասունության ամենակարևոր քննությունը: