Մայիսի 16-ին, ժամը 09:52-ին «911» ծառայությանն ահազանգ է ստացվել, որ Սյունիքի մարզի Սյունիք գյուղի թիվ 2 տան մոտակայքում գտնվող ժայռից տեղի է ունեցել քարաթափում, ինչի հետևանքով փակվել է ավտոճանապարհի երթևեկելի հատվածը. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ Մարզային փրկարարական վարչության օպերատիվ խումբը:
Պարզվել է, որ Սյունիք գյուղի Մուսաբեկ թաղամասի թիվ 2 տնից մոտ 60 մ հեռու տեղի է ունեցել քարաթափում (մոտ 3 խմ):
Կոմունալ ծառայության աշխատակիցների կողմից կատարվել են ճանապարհի մաքրման աշխատանքներ: Ժամը 12:50-ին ճանապարհը մաքրվել է քարերից և կրկին դարձել երթևեկելի:
Ստացված տեղեկությունը փոխանցվել է Սյունիքի մարզպետարանի տեղական ինքնակառավարման և Հանրապետական գործադիր մարմինների հարցերով վարչության, աշխատակազմի քաղաքաշինության վարչության, տրանսպորտի ծառայության բաժնի պետերին և Կապանի փոխհամայնքապետին:
