ԱՄՆ Տեխաս նահանգի Սանտա Ֆե քաղաքի Santa Fe միջնակարգ դպրոցում հրաձգություն է տեղի ունեցել: Այս մասին տեղեկանում ենք դպրոցի հայտարարությունից:
«Այսօր առավոտյան միջնակարգ դպրոցում հրաձիգի մասնակցությամբ միջադեպ է տեղի ունեցել: Թաղամասը շրջափակվել է: Մենք հավելյալ տեղեկություներ կտրամադրենք անմիջապես, երբ դրանք հասանելի լինեն», - ասված էր դպրոցի կողմից արված հայտարարության մեջ:
Որոշ ժամանակ անց CBS-ը փոխանցեց, որ տեղի ունեցած հրաձգության հետևանքով մահացել է առնվազն 8 աշակերտ:
Նշվեց նաև, որ ոստիկանությունը ձերբակալել է հարձակվողին: Ինչ վերաբերում է տուժածների թվին, ապա նրանց մասին տեղեկությունները ճշտվում են:
Հարձակվողի գործողությունների պատճառի մասին որևէ տեղեկություն դեռ չկա: