ՀՀ երրորդ նախագահ Սերժ Սարգսյանի տիկին Ռիտա Սարգսյանը հրաժարական է տվել «Նվիրիր կյանք» հիմնադրամի նախագահի պաշտոնից: «Հայկական ժամանակ» օրաթերթի փոխանցմամբ, այս մասին լրագրողներին հայտնել է հիմնադրամի տնօրեն Վերժինե Ոսկանյանը:
Նշենք, որ ավելի վաղ, ՀՀ վարչապետ Նիկոլ Փաշինյանի տիկին Աննա Հակոբյանը հանդիպել էր մանկական ուռուցքաբանության և արյունաբանության ոլորտի բարեգործական հիմնադրամների և մասնագետների հետ՝ քննարկելու հիվանդություններով տառապող երեխաների օգնության և բուժման հետ կապված հարցեր:
Քննարկվել էին նաև մանկական քաղցկեղի և արյան հիվանդությունների հետ կապված հիմնախնդիրները Հայաստանում և դրանց լուծման կարճաժամկետ ու երկարաժամկետ ուղիները: Որոշվել էր ստեղծել աշխատանքային խումբ, որըբոլոր ցանկացողների հետգործակցության համարբաց կլինի։
