Մոլդովայի եկեղեցական կառույցներին առաջին անգամ չի հաջողվել խափանել ԼԳԲՏ համայնքի քայլերթը, քանի որ իրավապահ մարմիններն ուժ են կիրառել միջոցառման անվտանգությունն ապահովելու համար:
Երկրի պատմության մեջ առաջին անգամ Կիշինյովի համասեռամոլներն իրականացրել են նախապես ծրագրված քայլերթը՝ 3 կմ. երկարությամբ:
Վերջին երկու քայլերթների ժամանակ նրանց հաջողվել էր ընդամենը երկու թաղամասով անցնել, ինչից հետո ուղղափառ եկեղեցու ներկայացուցիչները ցրել էին նրանց:
Այս անգամ իրավապահ մարմինների ներկայացուցիչները հեռացրել են քայլերթին դեմ տղամարդկանց և կանանց: Ըստ տվյալների, քայլերթին մասնակցել է 500 համասեռամոլ:
Քայլերթի մասնակիցները վերնաշապիկներով էին, որոնց վրա գրված էր՝ առանց վախ, ձեռքում էլ բռնել էին վարդագույն սրտիկներ:
Մոլդովայի եկեղեցու առաջնորդը քննադատել է ակցիան և պահանջել քաղաքի իշխանություններից արգելել քայլերթը:
Նշենք, որ Մոլդովայի Ուղափառ եկեղեցու գլխավորությամբ մայիսի 12-ին քայլերթ էր անցկացվել՝ ի պաշտպանություն ընտանեկան արժեքների: Քայլերթին մասնակցել էր նաև Մոլդովայի նախագահ Իգոր Դոդոնը՝ ընտանիքի անդամների հետ միասին:
