Չինաստանի իշխանությունները քննարկում են ծննդաբերության հարցում գոյություն ունեցող սահմանափակումները վերացնելու հարցը: Այս մասին հայտնում է Bloomberg գործակալությունը՝ հղում անելով իր աղբյուրիներին:
Նշվում է, որ Պեկինը ցանկանում է այդ քայլին գնալ, որպեսզի կանխի բնակչության ծերացումը: Որոշումը կարող է կայացվել այս տարի և ուժի մեջ մտնել արդեն 2019 թվականից:
Այս քայլով Պեկինը կարող է նաև ազատվել իրավապահների քննադատություններից, որոնց համաձայն, գոյություն ունեցող սահմանափակումները խախտում են մարդու իրավունքները:
Նշենք, որ Չինաստանը 1970-ական թվականներից վարում էր մեկ երեխա ունենալու քաղաքականություն, սակայն 2016 թվականից չինացիներին թույլատրվել էր ունենալ երկու երեխա: