Հյուսիսատլանտյան դաշինքը Դոնբասի հակամարտության գոտուց ծանր զինատեխնիկայի դուրսբերման գործընթացը չի կարող հավաստել ու գնահատել դրական:
Այդ մասին ասել է Եվրոպայում ՆԱՏՕ-ի զինված ուժերի հրամանատար Ֆիլիպ Բրիդլավը, նշելով, որ հակամարտ երկու կողմերի ծանր զինատեխնիկայի դուրսբերման պրոցեսը աննկատ է մնում, իսկ արեւելյան ուղղությամբ գործող ԵԱՀԿ դիտորդներին արգելում են մուտք գործել հակամարտության գոտի:
Բրիդլավի խոսքերով առայժմ պարզ չէ այն հանգամանքը, թե արդյոք իրականում զինատեխնիկան հետ է քաշվում, թե ուղղակի տեղափոխվում է այլ հենակետեր:
Միաժամանակ Դոնեցկի ինքնահռչակ հըանրապետության ներկայացուցիչ Դենիս Պուշլինը հայտնել է, որ ուկրաինական ուժայինները շարունակել են Դոնեցկի գնդակոծությունը, մասնավորապես հրետակոծվել է քաղաքի օդանավակայանի տարածքը:
