Ինչպես հաղորդում է ՏԱՍՍ գործակալությունը, ԱՄՆ նախագահ Բարաք Օբաման Սաուդյան թագավոր Աբդել Ազիզի հետ հեռախոսազրույցում իր օժանդակությունն է խոստացել Եմենի դեմ ռազմական գործողությունների ծավալման պարագայում:
Միաժամանակ նա նշել է, որ տարածաշրջանում կայունությունը անհրաժեշտ է ապահովել քաղաքական պրոցեսների միջոցով:
Հեռախոսազրույցի ընթացքում ամերիկյան ղեկավարը կրկին հավաստել է երկու երկրների բարեկամության իրողությունը:
ԱՄՆ նախագահը շարունակում է իր երկակի խաղը, իսկ Եմենի մայրաքաղաք Սանայում բնակչության շրջանում խուճապային մթնոլորտ է սկսվել:
Բնակիչները մտավախություն ունեն, որ Սաուդյան Արաբիայի օդուժի հարվածներն ավերածության կենթարկեն քաղաքի բնակելի թաղամասերն ու անմեղ զոհերի պատճառ կհանդիսանան:
Ներկայումս Սաուդյան օդուժը ավիահարվածներ է հասցնում շիա ապստամբների հենակետերի ու զինապահեստների ուղղությամբ: