Ինչպես հաղորդում է Ռիա Նովոստի գործակալությունը, ԱՄՆ նախագահ Բարաք Օբաման երկրի անվտանգությանը սպառնացող հիմնական վտանգն է ներկայացնում:
Սոցիոլոգիական հարցման արդյունքում նման կարծիք է հայտնել հարցման մասնակցած ամերիկացիների 34 տոկոսը:
Հարցման մասնակցած ամերիկացիների 27 տոկոսը սպառնալիք է համարում ԱՄՆ Դեմոկրատական կուսակցությանը, որի ներկայացուցիչն է ներկայիս նախագահը:
Հատկանշական է, որ վերջին շրջանում Արեւմուտքի կողմից անվերջ քննադատության ենթարկվող Ռուսաստանի նախագահ Վլադիմիր Պուտինին ազգային անվտանգության սպառնալիք են համարել հարցման մասնակիցների 25 տոկոսը:
Առավել նվազ սպառնալիք է համարվում Բաշար Ասադի վարչախումբը՝ հարցման մասնակիցների 23 տոկոս:
Ամերիկացիների 58 տոկոսը իրական վտանգ են համարում աճող ահաբեկչությունը՝ ԻՊ խմբավորումը, Ալ-Քաիդան ու հակերները:
Ամերիկացիների 34 տոկոսի կարծիքով Միացյալ նահանգների անվտանգության ռեալ սպառնալիք է Հյուսիսային Կորեան, որը շարունակում է միջուկային փորձարկումները ու ընդլայնում ռազմական պոտենցիալը:
