«ԱՍ արդարադատություն» մրցանակաբաշխության շրջանակներում www.analitik.am-ը ներկայացնելու է նոմինանտների կենսագրությունը, ինչպես նաև հարցազրույց վերջններիս հետ, որի նպատակն է հասարակության անդամներին հնարավորինս շատ տեղեկություն տրամադրել արդարադատության ոլորտի գործիչների վերաբերյալ: Ստորև ներկայացնում ենք «Լեվ Գրուպ» Իրավատնտեսական միավորում գրասեյակի մասին.
Իրավաբանական գրասենյակի մասին
Տարիներ առաջ Հայաստանը կազմում էր մի մասը ԽՍՀՄ կոչվող գերհզոր պետություն: Բայց Հայաստանի պատմությունը դրանից շատ ավելի վաղ է սկսվել և շարունակվում է: Ըստ Աստվածաշնչի` դրախտը գտնվել է Հայաստանում: Նոյն առաջինն էր, որ փրկվելով ջրհեղեղից` ոտք դրեց պատմական Հայաստանի հողի վրա: Հայաստանն առաջին երկիրն էր, որ ընդունեց Քրիստոնեությունը որպես պետական կրոն: Հայաստանն այսօր անկախ երկիր է և պատրաստ է ողջունել յուրաքանչյուրին, ով ցանկություն ունի աշխատելու, ստեղծագործելու և զարգանալու: Որպես Հայաստանի քաղաքացի և իրավաբան, ես ինձ հպարտ եմ զգում և պատասխանատու երկրիս համար: Լեվ Գրուպ իրավա-տնտեսական միավորման անունից ես երաշխավորում եմ, որ մենք միշտ պատրաստ ենք մատուցելու բարձրակարգ իրավաբանական ծառայություններ:
Աստված օրհնի մեր ընտանիքները, Հայաստանը և ողջ աշխարհը:
Գլխավոր տնօրեն` Լևոն Բաղդասարյան
-Ձեր իրավաբանական գրասենյակում իրավաբանական ծառայությունների մատուցումն իրավունքի բոլոր ճյուղերո՞վ է իրականացվում, թե՞ ոլորտի մասնագիտացված ճյուղային ուղղվածությամբ:
-Լեվ Գրուպ՚ փաստաբանական գրասենյակը ծառայությունների մատուցումն իրականացնում է իրավունքի բոլոր ճյուղերով` տվյալ ոլորտում մասնագիտացած փաստաբանների, փորձագետների կողմից:
-Ձեր իրավաբանական գրասենյակում ծառայությունների մատուցումն ի՞նչ կարգով է կատարվում՝ հաճախորդների, կորպորատիվ հաճախորդների և բիզնես խորհրդատվության շրջանականերում:
-Ծառայությունների մատուցումն իրականացվում է նշված բոլոր շրջանակներում:
-Ձեր գործունեության ամբողջ ընթացքում թվով քանի՞ քաղաքացու եք իրավաբանական օգնություն ցույց տվել անվճար հիմունքներով:
-Ընկերությունը ղեկավարվում է ՙԻրավունքը գիտություն է բարու և արդարի մասին՚ իրավանորմով, իսկ անվճար հիմունքներով քաղաքացիներին իրավաբանական օգնություն ցույց տալը բազմաթիվ է, չենք հաշվում, որի լավագույն ապացույցն է վերջիններիս կողմից հայտնած գրավոր շնորհակալությունները ԶԼՄ-երի միջոցով: Կատարվում են նաև ոչ միայն անվճար խորհրդատվություններ անապահով կամ սոցիալական որոշակի խավի համար (մանկավարժներ, թոշակառուներ և այլն), այլ նաև հայտարարվում են անվճար իրավաբանական ծառայությունների միամսյակներ` մանկավարժի օրվա, բանակի օրվա, մայրության և գեղեցկության տոների և այլի կապակցությամբ, որոնց մասին նախապես տպվում են հայտարարությւններ ՀՀ-ում լույս տեսնող բարձր տպաքանակ ունեցող թերթերում: ՙԻրավունք՚ թերթի յուրաքնչյուր երեքշաբթի օրվա համարում գործում է ՙԻրավաբանի էջ՚ խորագիրը կրող բաժինը, որը վարում է ՙԼեվ Գրուպ՚-ընկերության գլխավոր տնօրենը, ինչպես նաև յուրաքանչյուր երկուշաբթի ժամը 16:00-ին ՙԱ1+՚ հեռուստաընկերության www.A1plus.am կայքում ՙԼեվ Գրուպ՚ փաստաբանական գրասենյակը ուղիղ եթեր է հեռարձակվում (on-line)` անվճար իրավաբանական խոհրդատվություն տրամադրելով քաղաքացիներին:
-Ձեր գրասենյակի իրավաբանները վերապատրաստման դասընթացների հաճախակի՞ են մասնակցում, երբևէ օտարերկրյա պետություններում վերապատրաստման մասնակցե՞լ են:
-Այո, վերապատրաստման դասընթացների հաճախակի են մասնակցում, օտարերկրյա պետություններում` ոչ:
-Ներկա դրությամբ հասե՞լ ենք այն կարգավիճակին, որ յուրաքանչյուր ոք կարող է վստահությամբ դիմել Հայաստանի Հանրապետությունում գործող ցանկացած իրավաբանական գրասենյակի և ստանալ իրավունքների և օրինական շահերի բարձորակ պաշտպանություն:
-Հայաստանում գործում են մի շարք փաստաբանական գրասենյակներ, նաև բարձր որակավորում ունեցող անհատ փաստաբաններ, որոնց կարելի է վստահել, բայց ցանկացածի մասին խոսք լինել չի կարող:
-Ձեր գրասենյակը մասնագիտացա՞ծ է միայն իրավաբանական ծառայությունների մատուցման ոլորտում, թե՞ այլ ոլորտներում էլ եք գործունեություն ծավալում:
Գրասենյակը մասնագիտացված է փաստաբանական ծառայություններ մատուցելու ոլորտում:
Քվեարկելու համար այցելեք www. p-as.am