«ԱՍ արդարադատություն» մրցանակաբաշխության շրջանակներում www.analitik.am-ը ներկայացնելու է նոմինանտների կենսագրությունը, ինչպես նաև հարցազրույց վերջններիս հետ, որի նպատակն է հասարակության անդամներին հնարավորինս շատ տեղեկություն տրամադրել արդարադատության ոլորտի գործիչների վերաբերյալ: Ստորև ներկայացնում ենք ՀՀ Փաստաբանների Պալատի անդամ, փաստաբան Կարինե Գասպարյանի կենսագրությունը, ինչպես նաև հարցազրույցը վերջինիս հետ.
Կենսագրությունը
Ծնվել է` 15.11.1958թ. ք. Երևան:
1976թ. ավարտել է Երևանի 26 կոմիսարների անվան N10 միջնակարգ դպրոցը:
1978թ. ընդունվել է ԵՊՀ իրավաբանական ֆակուլտետի երեկոյան բաժինը, որն ավարտել է 1984թ.:
Մինչ ավարտելը աշխատել է արդյունաբերական շինարարության նախարարության մեքենահաշվիչ կայանում որպես կադրերի բաժնի տեսուչ, ավագ տեսուչ, հատուկ բաժնի պետ:
1985թ. աշխատանքի է անցել Կիրովականի քաղ. խորհրդի գործկոմում որպես իրավաբան:
1991թ.-ից զբաղվում է փաստաբանական գործունեությամբ:
Ամուսնացած է, ունի 2 երեխա:
-Ինչպե՞ս եք գնահատում ՀՀ արդարադատության համակարգի արդյունավետության աստիճանը:
-Բավարար:
-Փաստաբաններն իրենց գործունեությունն իրականացնելիս ի՞նչ միջոցներ են ձեռնարկում փաստաբանության հեղինակության բարձրացման ուղղությամբ:
-Իրենց պաշտպանական գործելաոճը ճիշտ կազմակերպելով:
-Ինչպե՞ս կգնահատեք ՀՀ քաղաքացիների վստահության աստիճանը փաստաբանական գործունեության նկատմամբ:
-Լավ:
-Շատ դեպքերում մարդիկ իրավական հարթության մեջ լուրջ խնդիրներ են ունենում, սակայն չեն ցանկանում դատարան դիմել, ինչո՞վ է դա պայմանավորված:
-Իրավական համակարգի նկատմամբ ունեցած անվստահությունից:
-Ի՞նչ եք կարծում դատավորները և դատախազները պահպանում և առաջնորդվո՞ւմ են մարդկային արժանապատվությունը հարգելու, բարեխիղճ վերաբերմունք դրսևորելու դատավարության մասնակիցների իրավունքների և հիմնարար ազատությունների պաշտպանության սկզբունքով:
-Մասամբ:
-Դատախազը խթանում է արդյոք արդար դատաքննություն կայացնելուն և դրսևորում է անկողմնակալ և անաչառ վերաբերմունք դատավարության մասնակիցների նկատմամբ:
-Հազվադեպ դեպքերում:
-Խելամի՞տ է հետևյալ կիրառվող իրավիճակը արդար դատաքննության պայմաններում.«Դատախազը պահանջում է առավել խիստ պատիժ նշանակել ամբաստանյալի նկատմամբ, պատիժը ակնհայտ անարդարացի կամ մեղմ լինելու պատճառով, անտեսելով ամբաստանյալի անձը բնութագրող հատկանիշները, այդ թվում՝ պատասխանատվությունը և պատիժը մեղմացնող կամ ծանրացնող հանգամանքները»:
-Իհարկե ոչ:
Քվեարկելու համար այցելեք www. p-as.am
