Ինչպես հաղորդում է ՏԱՍՍ գործակալությունը, Ուկրաինայի զինված ուժերի հրամանատարությունը տեղեկացրել է, որ աշխարհազորայինները շուրջ 24 անգամ խախտել են հրադադարը:
Ուկրաինական ուժայինների տվյալներով ամենաշատ խախտումներ նկատվել է Դոնեցյկի ուղղությամբ, որտեղից աշխարհազորայինները գնդակոծել են Պեսկի բնակավայրը ու Ավդեեւկան, իսկ Նեվելսկոյե բնակավայրը հրետակոծվել է զենիթային համակարգերից:
Ուկրաինացի ուժայինները հայտնել են, որ ռազմաճակատի հարավային՝ Մարիուպոլի շրջանում աշխարհազորայինները հարձակում են իրականացրել Շիրոկինո բնակավայրի ուղղությամբ՝ նշելով, որ նրանք հետախուզական նպատակներով իրականացնում են նաեւ անօդաչու սարքերի թռիչքներ:
