Նոյեմբերի 8-ին, ժամը 23.50-ին, Շիրակի մարզի Մեղրաշատ գյուղի մի բնակիչ, ոստիկանության Ամասիայի բաժնում հաղորդում էր տվել, որ հոկտեմբերի 31-ից նոյեմբերի 8-ը անհայտ անձը «Արփի լիճ» ազգային պարկի տարածքում կոտրել է որպես պահեստարան ծառայող իր վագոն-տնակի դուռը և գողացել կենցաղային իրեր, մետաղական կոնստրուկցիաներ ու շինանյութ: Այս մասին տեղեկանում ենք ՀՀ ոստիկանության պաշտոնական կայքից։
Հետաքննություն իրականացնող մարմինը գաղտնի հափշատակությունը բացահայտելու ուղղությամբ տարաբնույթ միջոցառումներ ձեռնարկեց` դեպքի վայրի զննությունից մինչև օպերատիվ հարցումներ:
Եվ հետևողական աշխատանքի արդյունքում, հաղորդումներից երկու օր անց քրեական հետախույզները տեղեկություններ ստացան, որ գողությունը հնարավոր է կատարած լինի Զարիշատ գյուղի 30-ամյա մի բնակիչ:
Նոյեմբերի 10-ին կասկածվողը բերման ենթարկվեց ոստիկանության Ամասիայի բաժին:
Նա տվել է խոստովանական բացատրություն: Հանգամանքները պարզվում են:
Գողոնը հայտնաբերվել է:
Փաստի առթիվ նախապատրաստվում են նյութեր:
