Այսօր կառավարության նիստի ժամանակ գործադիրի հավանությանը ներկայացվեց Ոստիկանության մասին ՀՀ օրենքում լրացումների և փոփոխություններ կատարելու մասին նախագիծը, որի ընդունումն ուղղված է խոշտանգումների հնարավոր դեպքերը կանխարգելելուն: Նախագիծը ներկայացրեց Ոստիկանապետի պաշտոնակատար Արման Սարգսյանը:
Առաջարկվում է ոստիկանության շենքերի մուտքերն ու ելքերը, հարցաքննությունների և օպերատիվ հարցումների համար օգտագործվող սենյակները կահավորել տեսագրող ու տեսաձայնագրող համակարգերով:
Նախագծով սահմանվում է նաև այդ ձայնագրությունների իրականացման նպատակը, պահպանման ժամկետները և երրորդ անձան փախանցելու կարգը:
Օրենքն ուժի մեջ մտնելուց հետո երեք տարվա ընթացքում ոստիկանության ստորաբաժանումները պետք է ամբողջությամբ կահավորված լինեն տեսաձայնագրող ու տեսագրող համակարգերով:
Նախագիծն արժանացավ կառավարության հավանությանը: