«Կառավարությունից ինձ հավաստիացրել են, որ վաղը Ազգային ժողովում հարցուպատասխանի ժամանակ մեր խմբակցության կողմից հարցը բարձրացվելու է»: Այս մասին հայտնել է Արարատի մարզպետ Գարիկ Սարգսյանը մսավաճառների և անասնաբույծների հետ հանդիպման ժամանակ:
Գարիկ Սարգսյանի խոսքով՝ կառավարության, ամենայն հավանականությամբ վարչապետի կողմից լուծում կտրվի բարձրացված հարցերին: Ըստ նրա՝ վաղը կառավարությունը լուծումներ կգտնի՝ «թե՛ մեր քաղաքացիների շահերը չոտնահարող, որպեսզի նրանք անվտանգ սննդից օգտվեն, թե՛ մեր ֆերմերների, անասնապահների շահերը չոտնահարող, թե՛բիզնեսը չվնասող»: