Ռուսաստանն առայժմ կշարունակի մասնակցությունը ԵԱՀԿ-ին։ Այդ մասին ՏԱՍՍ-ին տված հարցազրույցում հայտարարել է ՌԴ ԱԳՆ եվրոպական խնդիրների դեպարտամենտի տնօրեն Վլադիսլավ Մասլեննիկովը։
«Ռուսաստանի՝ ԵԱՀԿ-ին մասնակցության դադարեցման մասին բառացիորեն երազում են այն արևմտյան ուժերը, որոնք շահագրգռված են մեր երկրի միջազգային մեկուսացմամբ»,- ասել է դիվանագետը։ «Նման սադրանքների չենք գնա։ Միայն օրերս մեր արտաքին գործերի նախարար Սերգեյ Լավրովը նշեց, որ մենք շարունակում ենք մասնակցությունը այս կազմակերպությանը։
Մասլեննիկովը նշել է, որ ԵԱՀԿ-ն «իրեն վարկաբեկած բաղադրիչ է եվրաատլանտյան անվտանգության հայեցակարգի»։ «Միևնույն ժամանակ, ԵԱՀԿ-ում, այնուամենայնիվ, հնչում են առողջ մտածող երկրների ձայներ, որոնց դիրքորոշումը մենք ցանկանում ենք աջակցել Վիեննայի հարթակում և համատեղ աշխատել ընդհանուր շահերի շրջանակում»,- հավելել է նա։
