Բելառուսի նախագահ Ալեքսանդր Լուկաշենկոն հրաժարվել է լինել երկրի վերջին նախագահը: Այս մասին հայտնում է Լենտան։
«Հարգելի է լինել առաջինը, բայց ես չեմ ուզում լինել վերջինը»,-ասել է Լուկաշենկոն:
2019 թվականի դեկտեմբերի վերջին Բելառուսի նախագահը հայտարարել է, որ թույլ չի տա իր երկրի միավորումը Ռուսաստանի հետ: Նախագահի խոսքերով իրադարձությունների նման զարգացումը նրա օրոք անհնար է, քանի որ արդեն 25 տարի է նա ղեկավարում է անկախ պետություն:
Լուկաշենկոն ասել է նաև, որ երկու տարի առաջ Սոչիում Ռուսաստանի նախագահ Վլադիմիր Պուտինի հետ բանակցությունների ընթացքում հրաժարվել է միավորման գաղափարից։ Նա նշել է, որ իր գործընկերների հետ կառուցել է պատմության մեջ առաջին անկախ ինքնիշխան Բելառուսը: