Միջազգային Քաղաքականություն 

Պուտինի նոր օգնականը խոսել է ԱՄՆ-Չինաստան գործարքի վտանգների մասին

ԱՄՆ-Չինաստան առևտրային գործարքի վտանգն այն է, որ առաջիկա տարիներին դա կհանգեցնի առևտրային վեճերի թվի կտրուկ աճի: Այս մասին հայտարարել է տնտեսական զարգացման նախարարության նախկին ղեկավար և Ռուսաստանի նախագահի նոր օգնական Մաքսիմ Օրեշկինը, հայտնում է ՏԱՍՍ-ը։

Դավոսում Համաշխարհային տնտեսական ֆորումի արդյունքների մասին խոսելիս նա երկկողմանի համաձայնագիրն անվանել է դանդաղ ռեժիմով աշխատող ական համաշխարհային առևտրի համար, որի ազդեցությունը հատկապես նկատելի կդառնա 2021 և 2022 թվականներին:

Օրեշկինը որպես օրինակ բերել է եվրոպացիների զգուշավոր արձագանքը, որոնց դուր չի գալիս չինացիների պարտավորությունները լրջորեն մեծացնել ամերիկյան ապրանքների գնումները:

Նրանք վախենում են, որ ԱՄՆ ներմուծման այդպիսի աճը տեղի կունենա Եվրոպայից ավելի ցածր մատակարարումների պատճառով: Ավելին, դեռ պարզ չէ՝ դա կարվի շուկայական մեխանիզմների օգնությամբ, թե վարչական խոչընդոտների միջոցով:

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից