ՀՀ քաղաքացին չպետք է տուգանվելու մատերիալ լինի: Այս մասին Կապանում մամուլի ասուլիսի ժամանակ հայտարարեց ՀՀ վարչապետ Նիկոլ Փաշինյանը՝ խոսելով բալային համակարգի ներդրման մասին:
«Նախկին համակարգով մենք քաղաքացուն ասում էինք՝ ինչքան շատ տուգանվես, այդքան մեր օգուտն է: Այս փոփոխության արդյունքում առավելագույն տուգանքի չափը սահմանել ենք 29 հազար դրամ, այսինքն՝ չկա որևէ խախտում որի համար հնարավոր է տուգանել 29 հազար դրամից ավել: Երկրորդը՝ ասել ենք եղբայր, կամ քույր, եթե դու անընդհատ տուգանվում ես, երթևեկության անվտանգության համար խնդրիրներ ես ստեղծում, դրա համար զրկվում ես վարելու իրավունքից»,-ասաց նա։
Փաշինյանի խոսքերով, եթե վարորդը երթևեկության մյուս անդամների համար սպառնալիք չէ, միայն այդ դեպքում իրավունք ունի նստելու ավտոմեքենայի ղեկին:
