«The Washington Post»-ն աշխատանքից հեռացրել է լրագրող Ֆելիցիա Սոնմեզին, ով իր Twitter-ի էջում կիսվել է բասկեյտբոլիստ Քոբի Բրայանթին բռնաբարության մեջ մեղադրող հոդվածով: Այս մասին հայտնում է Լենտան՝ հղում անելով TheWrap-ին:
Լրագրողը հղում է արել The Daily Beast-ի 2016 թվականի հոդվածին: Այնտեղ նկարագրվել է 2003 թվականին տեղի ունեցածը։ Այդ ժամանակ Բրայանթը կասկածվում էր բռնաբարության մեջ։
Հրապարակումն արվել է մարզիկի մահից մի քանի ժամ անց, ինչի կապակցությամբ հրատարակչության ղեկավարությունը որոշել է պարզել, արդյոք Սոնմեզը խախտել է ընկերության քաղաքականությունը։
