Մեր սպառազինությունն ու այն կարողությունները, որոնք Զինված ուժերին անհրաժեշտ են իրենց խնդիրները կատարելու համար, ավելացված են: Ես ռազմական գաղտնիք չեմ բացահայտի, բայց ասեմ, որ մեր կարողությունները տասնյակ տոկոսներով ավելացել են: Այս մասին Եռաբլուրում լրագրողների հետ զրույցում հայտարարեց ՀՀ Պաշտպանության նախարար Դավիթ Տոնոյանը:
Ինչ վերաբերում է զորամասերում սննդի մատակարարման նոր համակարգին, Տոնոյանը նշեց, որ զորամասերի մոտավորապես 40 տոկոսում նոր ձևաչափով են ապահովվում սննդով: Ամեն ինչ արվում է այս տարի 100 տոկոսով ապահովման համար. «Փորձնական ծրագիրը հաջողվաած է, նույնիսկ անսպասելի հաջողված»:
Տոնոյանը խոսեց նաև ՍՈւ-30-ների հաջորդ խմբաքանակի՝ Հայաստան հասնելու ժամկետների մասին՝ նշելով, որ դա շուտով տեղի կունենա:
Հարցին, թե ինչ պետք է ակնկալել 2020 թվականին, նախարարն ասաց, որ բանակը լինելու է առավել քան ուժեղ: