Ուղևորատար ինքնաթիռը դուրս է եկել թռիչքուղուց և վայրէջք կատարել Իրանի փողոցներից մեկում: Այս մասին հայտնում է Լենտան՝ հղում անելով CNN-ին։
Նշվում է, որ ինքնաթիռը պատկանում է իրանական Caspian ավիաընկերությանը, որը թռչել է Թեհրանից Բենդեր Մախշեխր: Վայրէջքի ժամանակ 135 ուղևոր տեղափոխող ինքնաթիռը դուրս է եկել թռիչքուղուց և հայտնվել մարդաշատ մայրուղու վրա:
Դեպքի վայրից հրապարակված տեսանյութում երևում է, թե ինչպես են ավտմեքենաներն ու անցորդները շրջապատել ինքնաթիռը: Նշվում է, որ ուղևորներից ոչ մեկը չի տուժել:
