Գլխավոր Հասարակություն 

Մանրամասներ՝ Երևանում հնչած կրակոցներից. Մասնակիցների ինքնությունները հայտնի են

Հունվարի 28-ին, ժամը 22.00-ին, ոստիկանության Մալաթիայի բաժնում հաղորդում էր ստացվել, որ Արարատյան 2-րդ զանգվածի 29 և 12 շենքերի մոտ կրակոցներ են հնչել: Այս մասին հայտնում են Ոստիկանության մամուլի ծառայությունից:

Դեպքի վայր մեկնած օպերատիվ խմբի ծառայողները հայտնաբերել են տարբեր տրամաչափի փամփուշտներ, պարկուճներ և գործարանային համարով, առանց պահեստատուփի գազային ատրճանակ:

Մալաթիայի քրեական հետախույզների ձեռնարկած օպերատիվ-հետախուզական միջոցառումների շնորհիվ պարզվել է, որ ժամը 21.30-ին Վանթյան փողոցի 7/7 հասցեի մոտ ծագած վիճաբանության ընթացքում կրակոցներ են արձակվել:

Վիճաբանության մասնակիցների ինքնությունները հայտնի են:

Նշանակվել են փորձաքննություններ:

Ձեռնարկվում են միջոցառումներ դեպքի բոլոր մասնակիցներին և հանցագործության գործիք հրազենները հայտնաբերելու ուղղությամբ:

Նախապատրաստվում են նյութեր:

  •  
  •  
  •  
  • 1
  •  
  •  
  •  
  •  
  •  
    1
    Share

Նույն շարքից