Ներկա պահին Կոտայքի մարզում ամբողջական ծավալով գործում է 4 սպանդանոց: Այս մասին իր էջում գրել է մարզպետ Ռոմանոս Պետրոսյանը:
«Քիչ առաջ ընդլայնված աշխատանքային հանդիպում անցկացրեցի ՍԱՏՄ Կոտայքի մարզային կենտրոնի ղեկավար Դավիթ Ղազարյանի հետ:
Հանդիպմանը մասնակցում էին նաև մարզպետի տեղակալը, մարզպետարանի համապատասխան վարչություններից ներկայացուցիչներ, խորհրդականներ:
Օրակարգում երկու հիմնական հարց կար.
Կոտայքի մարզում՝ ըստ տարածաշրջանների, սպանդանոցային ծառայություններ մատուցող ընկերությունների քարտեզագրում
Կոտայքի մարզում սպանդանոցային ծառայություն մատուցող ընկերություններ հիմնել ցանկացող ներդրողների ուղղորդում և աջակցում
Առաջին մասով, տեղեկացնում եմ, որ Կոտայքի մարզում ներկայում ամբողջական ծավալով գործում է 4 սպանդանոց՝
Հրազդանում՝ «Հանիավան սփրինգ» ՍՊԸ, հեռ. 093.218-384
Արամուսում՝ Կարինե Առաքելյան Ա/Ձ, հեռ. 093.984- 613
Արզնիում՝ «Արզնի մսամթերք» ՓԲԸ, հեռ. 091.486- 539
Ջրվեժում՝ գ. Զորաղբյուր՝ «ՋՕՐ» ՍՊԸ, հեռ. 093.246- 494
Կոտայքի մարզում գործող թռչնի սպանդանոցներն են՝
Նոր Գեղիում՝ «Ագրոթեքինվեստ» ՍՊԸ, հեռ. 091.409- 335
Գետամեջում՝ «Գետամեջ» ՍՊԸ, հեռ. 091.014- 020
Զորավանի սպանդանոցային ընկերությունում հիմնանորոգման աշխատանքներ են ընթանում:
Իսկ թե ինչպիսին է սպանդանոցային ընկերություն հիմնելու ընթացակարգը և ինչպես կարելի է անվճար խորհրդատվություն ստանալ այս հարցի վերաբերյալ, կտեղեկացնենք քիչ անց»,-գրել է մարզպետը:
