Առողջապահության համաշխարհային կազմակերպությանն (ԱՀԿ) առաջիկա երեք ամիսների ընթացքում կպահանջվի 61,5 միլիոն դոլար՝ կորոնավիրուսի տարածման դեմ պայքարի համար: Այս ցուցանիշը հայտնի է դարձել Ժնևում ԱՀԿ գործկոմի հանդիպման ժամանակ, փոխանցում է ՌԻԱ Նովոստին։
Այս գումարից 4,5 միլիոն դոլար կպահանջվի հետազոտության և նորարարության համար: Տասն անգամ ավելին՝ 45 միլիոն, կօգտագործվի համաճարակի դեմ երկրների պատրաստվածությունը ստուգելու համար: Վիրուսի տարածման դեմ պայքարում միջազգային կոորդինացման համար նախատեսվում է ծախսել ևս 12 միլիոն դոլար:
