Այն, ինչ հիմա արվում է, իշխանության եկած խմբի կողմից, ավելի շատ նմանեցվում է քայքայիչ աղանդների գործունեությանը: «Սահմանադրական անվտանգություն․ մարտահրավերներ և լուծումներ» թեմայով քննարկման ժամանակ հայտարարեց Լարիսա Ալավերդյանը:
«Մենք տեսնում ենք, որ գերնպատակը հասարակության ամբողջովին բզկտումն է, սոցիալական համերաշխությունից հեռու տանելը: Այդ ամենը մանիպուլատիվ աճպարարության տեխնոլոգիաների արգասիք է, որի մինիմում ծրագիրը երկրում քաոսն է»,-ասաց Ալավերդյանը:
«Թե ինչ արժեհամակարգ կբերեն մաքսիմում ծրագրով, դա այլ հարց է: Մենք պետք է թույլ չտանք, որ երկրի զարգացումը գնա այն մոդելով, որը նշմարեց պատգամավոր Վահագն Հովակիմյանը»,-հավելեց նա:
