Ադրբեջանում հրդեհ է բռնկվել «Սադարակ» առևտրի կենտրոնում, այրվել է 28 խանութ: Այս մասին հայտնում են հարևան երկրի ԱԻՆ մամուլի ծառայությունից:
Հիմնականում այրվել են խանութներ, որտեղ կտորեղեն է վաճառվում:
Հրդեհը մարելու աշխատանքներին ներգրավված է եղել 23 միավոր տեխնիկա, 125 մարդ:
Հրդեհի պատճառների մասին որևէ բան չի հաղորդվում: Այն արդեն մարվել է:
Ինչ վերաբերում է տուժածներին, ապա նրանց թիվը հասնում է 10-ի: