Հասարակություն 

Մահացել է Յուրի Դավթյանը

90 տարեկան հասակում կյանքից հեռացել է ժողովրդական արտիստ, դիրիժոր, Հակոբ Պարոնյանի անվան երաժշտական կոմեդիայի պետական թատրոնի նվագախմբի ղեկավար Յուրի Դավթյանը: Այս մասին Analitik.am-ը տեղեկանում է Հայաստանի թատերական գործիչների միության ֆեյսբուքյան էջից:

1938 թվականին Դավթյանն ընդունվել է Պյոտր Չայկովսկու անվան երաժշտական դպրոցի ջութակի դասարան։ 1947-1952 թվականներին սովորել է Երևանի Կոմիտասի անվան պետական կոնսերվատորիայի նվագախմբային դիրիժորության և թեորիայի բաժիններում՝ պրոֆեսորներ Սարաջևի և Տիգրանովի դասարաններում։

1973-1974 թվականներին եղել է  Երևանի օպերայի և բալետի թատրոնի գլխավոր դիրիժոր, 1964-1966 թվականներին՝ Սարատովի օպերային թատրոնի գլխավոր դիրիժոր, 1966-1968 և 1992-1994 թվականներին՝ ՀՀ հեռուստառադիոպետկոմի սիմֆոնիկ նվագախմբի գլխավոր դիրիժոր։ 1969 թվականից դասավանդել է Երևանի կոնսերվատորիայում։ 1980-2000 թվականներին կրկին եղել է Երևանի օպերայի և բալետի թատրոնի գլխավոր դիրիժորը։

Ղեկավարել է ԽՍՀՄ երկրների մի շարք՝ ԽՍՀՄ Պետական, Մոսկվայի Մեծ, Մարիինյան թատրոնների և այլ նվագախմբեր։

Մինչ մահանալն աշխատել է Երևանի Պարոնյանի անվան երաժշտական կոմեդիայի պետական թատրոնում՝ որպես գլխավոր դիրիժոր։

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից