Հասարակություն 

Իմ քայլի պատգամավոր Անդրանիկ Քոչարյանի տղան կազատվի բանակից. «Հրապարակ»

analitik.am

Hraparak.am-ը գրում է. «Այսօր՝ ժամը 14։00-ին, Տնտեսագիտական համալսարանի նիստերի դահլիճում Անդրանիկ Քոչարյանի 26-ամյա որդին՝ Լևոն Անդրանիկի Քոչարյանը, դիսերտացիա է պաշտպանելու՝ տնտեսագիտության թեկնածուի գիտական աստիճան ստանալու համար։ Դիսերտացիայի թեման է՝ «գյուղատնտեսության ապահովագրության համակարգի կատարելագործման ուղիները Հայաստանի Հանրապետությունում»։

Վստահ ենք, որ 26-ամյա գիտնականը հաջողությամբ պաշտպանելու է գիտական թեզը՝ անկախ այդ աշխատության որակից և Հայաստանի տնտեսության համար ունեցած արդյունավետության աստիճանից։ Մենք պատրաստվում ենք ներկա գտնվել ատենախոսության պաշտպանությանը, որպեսզի համոզվենք, որ այս գիտական թեզի բարեհաջող պաշտպանությունը պայմանավորված չէ նրա հոր կարգավիճակով։ Քոչարյանի թեկնածուականի գիտական ղեկավարն է Լիանա Գրիգորյանը։

Նշենք, որ եթե Քոչարյանը պաշտպանի թեկնածուական ատենախոսությունը, ապա հնարավոր է, որ ազատվի բանակից, քանի որ ասպիրանտուրայի համար տրամադրված 3 տարի տարկետման ժամկետի ընթացքում եթե պաշտպանում է թեկնածուականը, ապա ազատվում է բանակից»։

 

Նույն շարքից