Այսօր տեղի ունեցավ ՀՀ ԱԺ Իմ քայլը խմբակցության պատգամավոր Անդրանիկ Քոչարյանի որդու ատենախոսության պաշտպանությունը:
Պաշտպանությունից հետո «Հրապարակի» հետ զրույցում կրտսեր Քոչարյանը, պատասխանելով հարցին, թե ինչու չի ծառայել բանակում և ինչ է լինելու ատենախոսության պաշտպանությունից հետո, հայտարարել է, որ կարող է պատասխանել միայն ատենախոսության թեմային վերաբերող հարցերին, իսկ նշյալ հարցում տեսնում է քաղաքական ենթատեքստ. «Նման հարցերին զերծ կմնամ պատասխանել»:
Բանակում չծառայելու վերաբերյալ հարցերի մասով Քոչարյանը հորդորեց դիմել զինկոմիսարիատին: