Բարի օր Հայաստան Քաղաքականություն 

Նոր իշխանությունները օրինականության խախտումն ու լեգիտիմության առաջին կորուստն ունեցան 2019թ․ մայիսին. Ավետիք Իշխանյան

analitik.am

Իրավապաշտպան Ավետիք Իշխանյանը ֆեյսբուքյան իր էջում գրում է.

«ԼԵԳԻՏԻՄՈՒԹՅԱՆ ՀԵՐԹԱԿԱՆ ՃԳՆԱԺԱՄԸ

Ե՞րբ է սկսվել անկախ Հայաստանում, օրինականության, նաև, ինչպես ընդունված է ասել լեգիտիմության ճգնաժամը։

Անկախ 1990 թ․ ՀՀ ԳԽ , ինչպես նաև 1991թ․ նախագահական ընտրությունների ընթացքում տեղի ունեցած թերություններին ու խախտումներին, ընտրությունների արդյունքները, գուցե ոչ այնքան օրինական էին, սակայն հասարակության համար ընդունելի, այսինքն ՝ լեգիտիմ էին։ 1995թ․ խորհրդարանական ընտրություններն ու սահմանադրական հանրաքվեն, ինչպես նաև 1996թ․ նախագահական ընտրությունները Հայաստանում ստեղծեցին, ինչպես օրինականության, այնպես էլ լեգիտիմության ճգնաժամ, որը և չհաղթահարվեց, ընդհուպ մինչև 2018թ․ զանգվածային ճնշման արդյունքում տեղի ունեցած իշխանափոխությունը և նույն թվականի դեկտեմբերին կայացած և օրինական և լեգիտիմ ընտրությունները։

Նոր իշխանությունները օրինականության խախտումն ու լեգիտիմության առաջին կորուստն ունեցան 2019թ․ մայիսին, վարչապետի կոչով դատարանները շրջափակելով։

Սակայն, արդեն 2020թ․ ապրիլի 5-ին հանրաքվեի դրված հարցը, անկախ արդյունքներից, իշխանությանը դարձնում է ոչ օրինական և ոչ լեգիտիմ»:

Նույն շարքից