Քաղաքականություն 

Նիկոլ Փաշինյանը Սառա Անջորգոլյանին ԱՄՆ գործուղելու մասին որոշում է ստորագրել

ՀՀ վարչապետ Նիկոլ Փաշինյանը Սառա Անջորգոլյանին Ամերիկայի Միացյալ Նահանգներ գործուղելու մասին որոշում է ստորագրել.

Ղեկավարվելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասով`

1. Սփյուռքի գործերի գլխավոր հանձնակատարի գրասենյակի ղեկավար Սառա Անջորգոլյանին 2020 թվականի մարտի 5-10-ը ներառյալ գործուղել Ամերիկայի Միացյալ Նահանգներ (քաղաք՝ Նյու Յորք) Հայկական բարեգործական ընդհանուր միության կողմից 2020 թվականի մարտի 7-ին անցկացվող «Կանայք ցնցում են աշխարհը» խորագրով համաժողովին մասնակցելու, իսկ մարտի 8-ին՝ CSW Forum հասարակական կազմակերպության կողմից կազմակերպվող Միավորված ազգերի կազմակերպության կանանց կարգավիճակի հանձնաժողովի առաջիկա նիստերի նախապատրաստական աշխատանքներին մասնակցելու նպատակով:

2. Սառա Անջորգոլյանի՝ գործուղման ավիատոմսի (Երևան-Նյու Յորք-Երևան), գիշերակացի և օրապահիկի հետ կապված ծախսերը կատարել Հայաստանի Հանրապետության 2020 թվականի պետական բյուջեով Հայաստանի Հանրապետության վարչապետի աշխատակազմի «Աշխատանք սփյուռքի համայնքներում» միջոցառման արտասահմանյան պաշտոնական գործուղումների համար նախատեսված միջոցների հաշվին:

3. Սփյուռքի գործերի գլխավոր հանձնակատարի գրասենյակի ղեկավար Սառա Անջորգոլյանին՝ Ամերիկայի Միացյալ Նահանգներ գործուղումից վերադառնալուց հետո եռօրյա ժամկետում վարչապետի աշխատակազմ ներկայացնել գործուղման արդյունքների մասին հաշվետվություն»,-ասված է հայտարարության մեջ:

  •  
  •  
  •  
  • 1
  •  
  • 1
  •  
  •  
  •  
    2
    Shares

Նույն շարքից