Հասարակություն 

Ավտոքարշակը բախվել է ճամփեզրի արգելապատնեշին և շրջվել

Փետրվարի 22-ին, ժամը 15:27-ին Ճգնաժամային կառավարման ազգային կենտրոն ահազանգ է ստացվել, որ Երևանի Մյասնիկյան պողոտայում տեղի է ունեցել ՃՏՊ՝ «ԿամԱԶ» մակնիշի ավտոմեքենան քաղաքացուն վրաերթի է ենթարկել: Այս մասին Analitik.am-ը տեղեկանում է ԱԻՆ մամուլի ծառայությունից:

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ և փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական ջոկատը:

Պարզվել է, որ Գայի պողոտայի թիվ 1/7 հասցեի մոտակայքում «ԳԱԶ-3307» մակնիշի ավտոքարշակը՝ բեռնված «Belarus» մակնիշի տրակտորով, դուրս է եկել ճանապարհի երթևեկելի հատվածից, բախվել ճամփեզրի արգելապատնեշին և շրջվել: «ԳԱԶ-3307» մակնիշի ավտոքարշակի գազի բալոնը պոկվել և բախվել է տարածքում կայանած «Mercedes-Benz ML 350» մակնիշի ավտոմեքենային: Ավտոմեքենաներից տեղի է ունեցել վառելիքի արտահոսք:

Մինչ փրկարարների՝ կանչի վայր հասնելը «ԳԱԶ-3307» մակնիշի ավտոքարշակի վարորդը հոսպիտալացվել է «Հերացի» թիվ 1 հիվանդանոցային համալիր:

Փրկարարները կատարել են ճանապարհի լվացման աշխատանքներ:

  •  
  •  
  •  
  • 1
  •  
  •  
  •  
  •  
  •  
    1
    Share

Նույն շարքից