Այսօր՝ փետրվարի 23-ին, ՌԴ նախագահ Վլադիմիր Պուտինը ծաղկեպսակ է դրել Անհայտ զինվորի հուշարձանին՝ հարգանքի տուրք մատուցելով զոհված զինվորների հիշատակին: Այս մասին հայտնում է РИА Новости-ն:
Հայրենիքի պաշտպանի օրվա միջոցառմանը մասնակցել են նաև Ռուսաստանի վարչապետ Միխաիլ Միշուստինը, Պետդումայի և Դաշնային խորհրդի խոսնակներ Վյաչեսլավ Վոլոդինը և Վալենտինա Մատվիենկոն, Անվտանգության խորհրդի նախագահի տեղակալ Դմիտրի Մեդվեդևը և Պաշտպանության նախարար Սերգեյ Շոյգուն:
