Արցախի նախագահի թեկնածու Արայիկ Հարությունյանն իր էջում գրում է.
«Քիչ առաջ ԱՀ Կենտրոնական ընտրական հանձնաժողովում տեղի ունեցավ վիճակահանություն, որի արդյունքում պարզ դարձավ սպասվող համապետական ընտրություններին մասնակցող նախագահի թեկնածուների, կուսակցությունների և կուսակցությունների դաշինքների հաջորդական դասավորությունը քվեաթերթիկներում:
Երկու տարբեր վիճակահանությունների արդյունքում հետաքրքիր զուգադիպությամբ թե ՛ ես՝ որպես Արցախի Հանրապետության նախագահի թեկնածու, թե ՛ «Ազատ հայրենիք – ՔՄԴ» կուսակցությունների դաշինքը՝ խորհրդարանական ընտրություններին մասնակցող քաղաքական ուժերի շարքում, հանդես կգանք 6-րդ համարի ներքո:
Կրկին հաջողություն եմ մաղթում բոլորին և հույս հայտնում, որ այս ընտրություններից Արցախը դուրս կգա առավել հզորացած:
Աստված բոլորիս ուղեկից…»: