Իրավական Տեսանյութեր 

Մարիխուանայի իրացման դեպք է բացահայտել․ մեկ անձ ձերբակալվել է /Տեսանյութ/

Ոստիկանությունը շարունակում է թմրանյութերի անօրինական շրջանառության և օգտագործման դեմ հետևողական պայքարը:

Հերթական դեպքը բացահայտեցին ոստիկանության Մարաշի բաժանմունքի ծառայողները:

Փետրվարի 24-ին, ժամը 21-ի սահմաններում, քրեական հետախույզները Ալեք Մանուկյան փողոցից, թմրանյութ ձեռք բերելու, պահելու և իրացնելու կասկածանքով, բերման ենթարկեցին 64 և 40 տարեկան երկու տղամարդու, որոնցից մեկը բնակվում է Արարատի մարզի Նորաբաց գյուղում, մյուսը Երևանի բնակիչ է:

64-ամյա տղամարդու անձնական խուզարկությամբ հայտնաբերվեց օգտագործված կաթուցիչ և կանաչ, յուրահատուկ հոտով, չորացված, մանրացված բուսական զանգված: Ըստ նրա` հայտնաբերվածը կանեփ է, ինքն է 2019 թ. նոյեմբերին բերել Վրաստանից:

Նման զանգված հայտնաբերվեց նաև 40-ամյա տղամարդու անձնական խուզարկությամբ: Հետագա միջոցառումներով իրավապահները պարզեցին, որ փետրվարի 14-ին Արամի փողոցի հարակից այգում 64-ամյա տղամարդն էր նրան այդ զանգվածը 20.000 դրամով վաճառել, և դա առաջին դեպքը չէր: Նախորդ տարվա հոկտեմբերից մինչև փետրվարի 14-ը նա 20- հազարական դրամով Նորաբաց գյուղի բնակչից թմրամիջոց էր գնել և օգտագործել:

Նշանակվել է փորձաքննություն:

64-ամյա տղամարդը ձերբակալվել է:

Փաստի առթիվ հարուցվել է քրեական գործ:

Նախաքննությունը շարունակվում է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

  •  
  •  
  •  
  • 1
  •  
  •  
  •  
  •  
  •  
    1
    Share

Նույն շարքից