Մայիսին կայանալիք Եվրոպայի Խորհրդի նախարարների հանձնաժողովի նիստը Վրաստանի տեղափոխվել է Ֆրանսիա: Այս մասին հայտնում է Վրաստանի ԱԳ նախարար Դավիդ Զալքալիանին:
Որոշումը կայացվել է Զալքալիանիի և ԵԽ ղեկավարության միջև տեղի ունեցած հանդիպման ժամանակ:
Վրացի պաշտոնյայի խոսքերով, բոլոր գործողությունները համապատասխանում են կազմակերպության կանոններին և հաշվի են առնվել Վրաստանի շահերը, հետևաբար որևէ ուժ չի կարող շահարկել դա:
Զալքալիանին նաև ափսոսանք է հայտնել, որ իր երկիրը չի կարող ընդունել ԵԽ գագաթնաժողովը:
Ավելի վաղ վրացական իշխանությունները հայտնել էին, որ կարող են հրաժարվել գագաթնաժողովն ընդունելուց, եթե դրան մասնակցի ՌԴ ԱԳ նախարար Սերգեյ Լավրովը: