Սիրիական Իդլիբում այս գիշեր իրավիճակը շատ թեժ է եղել: Դաժան մարտեր են ընթացել սիրիական ու թուրքական ուժերի միջև, ինչի արդյունքում թուրքական բանակը զգալի կորուստ է կրել: Ինչպես հայտնում են Հաթայ նահանգի իշխանությունները, սիրիական ավիահարվածի արդյունքում վերջին տվյալներով զոհվել է 33 թուրք զինծառայող:
Ավելի վաղ Հաթայի նահանգապետը հայտնել էր 29 զոհի և 36 վիրավորի մասին:
Անադոլու գործակալությունն իր հերթին հայտնում է, որ տեղի ունեցածի ֆոնի վրա Թուրքիայի նախագահ Ռեջեփ Թայիփ Էրդողանն արտակարգ խորհրդակցություն է հրավիրել անվտանգության հարցերով: