Գրող, թարգմանիչ Կարեն Ղարսլյանը Ֆեյսբուքյան իր էջում գրում է.
««Նատյուրմորտ Մեխակով» (յուղաներկ, կտավ 60,96x45,72 սմ): (ENGLISH BELOW)
Կուրթանցի Մեխակին հիշող կա՞: Հուսով եմ` մեր հիշողություններից չսրբվեց նույնքան արագ, որքան ԶԼՄ-ների ու Ֆեյսբուքի պատերից երկու շաբաթ առաջ Նիկոլ Փաշինյանի նեոլիբերալիստական ամբարտավանության ու հախուռնության զոհը դարձածը: (Լավ է, որ ավելի ուշ հրապարակավ ներողություն խնդրեց, ինչը հազվադեպ երևույթ է հայաստանյան նախագահների ու վարչապետերի շրջանում):
Բայց Մեխակի բախտը, ինչպես բազմիցս իր ողջ կյանքի ընթացքում, կարծես կրկին չբերեց. այս անգամ էլ կորոնավիրուսը շեղեց հասարակության ողջ ուշադրությունը նրա ճակատագրից, հուսով եմ, ժամանակավորապես»: