Մինչ Հայաստանում, անգամ երեկվա խստացումներից հետո, մի շարք քաղաքացիներ անտեսում են պարետի որոշումները, և շարունակում են տնից դուրս գալ ոչ այնքան կարևոր գործերով՝ վտանգելով սեփական և նաև այլոց առողջությունը, Հնդկաստանում, ոստիկանությունը պարզապես ծեծում է արտակարգ դրության պայմանները խախտող քաղաքացիներին: Հնդկաստանի մեր գործընկերոջ տրամադրած տեսանյութում պարզ երևում է, թե ինչպես են անհնազանդ քաղաքացիները ծեծ ուտում՝ տանը չմնալու և վարակի տարածման հավանականությունը մեծացնելու համար:
Հիշեցնենք, որ Հնդկաստանի իշխանություններն էլ ողջ երկրի մասշտաբով հայտարարել են կարանտին, որը տևելու է 21 օր:
Մինչ այս պահը Հնդկաստանում կորոնավիրուսով վարակվածության 562 դեպք է գրանցվել, 9 մարդ մահացել է: Հնդկաստանը, որն, ըստ բնակչության քանակի, աշխարհում երկրորդ տեղում է, ըստ ամենայնի, այս կոշտ միջոցներին է դիմում՝ հանրային առողջությունը չվտանգելու համար:
Աղբյուրը՝ aravot.am
