Բուդապեշտում Մեծ Բրիտանիայի դեսպանի տեղակալ Սթիվեն Դիկը մահացել է կորոնավիրուսով վարակվելուց հետո: Այս մասին հայտնում է ՌԻԱ Նովոստին՝ հղում անելով Մեծ Բրիտանիայի Արտաքին գործերի նախարարությանը։
«Մենք խորապես վշտացած ենք Բուդապեշտում մեր դեսպանատան աշխատակցի մահվամբ»,-ասված է հայտարարության մեջ:
Նշվում է, որ 37-ամյա Դիկը մահացել է մարտի 24-ին: Գերատեսչության ղեկավար Դոմինիկ Ռաաբը ցավակցություն է հայտնել դիվանագետի մահվան կապակցությամբ․ «Սթիվենը նվիրված դիվանագետ էր և ներկայացնում էր իր երկիրը մեծ պրոֆեսիոնալիզմով»,-ասել է նա:
