Երկու պացիենտի վիճակը գնահատվում է ծայրահեղ ծանր: Նրանցից մեկը ԱՄՆ քաղաքացի է, ազգությամբ հայ չէ: Մյուսը ՀՀ քաղաքացի է: Երկուսն էլ գտնվում են տարիքային բարձր խմբում՝ 75-ից բարձր տարիք ունեն։ Նրանք գտնվում են ինտեսնիվ թերապիայի վերակենդանացման բաժանմունքում: Այս մասին այսօր՝ մարտի 25-ին, Կառավարության նիստի ժամանակ հայտարարեց ՀՀ վարչապետ Նիկոլ Փաշինյանը։
«Այս ընթացքում ունեցել ենք 18 առողջացած քաղաքացի։ Մոտ 100 քաղաքացի դուրս է եկել մեկուսացման ռեժիմից։ Նրանց մոտ թեստի արդյունքները բացասական են: Այսօր էլ սպասում ենք ապամեկուսացման դեպքերի»,-հայտնեց վարչապետը: