Ռուսաստանի նախագահ Վլադիմիր Պուտինը մարտի 30-ից ապրիլի 5-ը կաշխատի։ Այս մասին հայտնել է պետության ղեկավարի մամուլի քարտուղար Դմիտրի Պեսկովը:
Ավելի վաղ հայտնել ենք, որ կորոնավիրուսի տարածման սպառնալիքի կապակցությամբ Վլադիմիր Պուտինը Ռուսաստանի քաղաքացիների համար հաջորդ շաբաթը ոչ աշխատանքային է դարձրել։
Նախագահի խոսքերով, այս միջոցը անհրաժեշտ է կորոնավիրուսի տարածումը նվազեցնելու համար․ «Հիմա ամենաանվտանգը տանը լինելն է»,-նշել է Ռուսաստանի ղեկավարը: