Ֆրանսիայի նախագահ Էմանյուել Մակրոնը կորոնավիրուսի համաճարակը սպառնալիք է անվանել Եվրամիության գոյության համար: Այս մասին հայտնում է Լենտան՝ հղում անելով Reuters-ին։
Մակրոնի խոսքերով, ստեղծված իրավիճակում եվրոպական նախագծի գոյատևումը վտանգված է: Մասնավորապես, համաճարակը սպառնում է Շենգենյան համաձայնագրի այնպիսի հիմնարար սկզբունքներին, ինչպիսին է սահմանների բացակայությունը․ «Մենք կանգնած ենք «Շենգենի մահվան» ռիսկի առաջ»,-ասել է Ֆրանսիայի նախագահը:
