Հրապարակվել է տեսանյութը, որում երևում է, թե ինչպես է Չեչնիայի ոստիկանությունն իրականացնում մարդկանց տուն գնալու պրոցեսը։ Համապատասխան տեսանյութը հրապարակել է Լենտան։
«Տեսանյութը նկարահանվել է Գրոզնիում: Պարեկային ավտոմեքենաները շրջում են քաղաքում, ոստիկանությունը խնդրում է մարդկանց տուն գնալ»,-նշվում է տեսանյութում:
Կադրերում երևում է, թե ինչպես են տասից ավելի ոստիկանական ավտոմեքենաներ երթևեկում փողոցով՝ ձայնային ազդանշանները միացրած: Լսվում է նաև, թե ինչպես են իրավապահ մարմինները բարձրախոսով իրազեկում քաղաքացիներին կորոնավիրուսի պատճառով սահմանված կարանտինի մասին:
