ՀՀ ԱԻՆ Ճգնաժամային կառավարման ազգային կենտրոնը հունվարի 31-ից մարտի 29-ը 519 զանգ է ստացել կորոնավիրուսի վերաբերյալ: Այս մասին տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից։
«118 քաղաքացու բժշկական և հոգեբանական խորհրդատվություն է ցուցաբերվել:
Հոգեբանի աջակցության կարիք հիմնականում ունենում են միջինից բարձր տարիքի անձինք:
Մասնագետը լարվածությունը թուլացնելու տարբերակներ է առաջարկում, որոնք հնարավոր է իրականացնել տան պայմաններում:
Բազմաթիվ խորհուրդներից բացի, քաղաքացիներին հորդորվում է հետևել միայն պաշտոնական լրահոսին, տանից դուրս չգալ կամ դուրս գալ խիստ անհրաժեշտության դեպքում»,- ասվում է հաղորդագրության մեջ:
