Այսօր՝ մարտի 31-ին, խոշոր ավտովթար է տեղի ունեցել Երևանում: Ժամը 18:30-ի սահմաններում Օրբելի փողոցում՝ թիվ 83 դպրոցի դիմաց, բախվել են Mercedes մակնիշի 36 TC 938 համարանիշի և Opel մակնիշի 36 NR 591 համարանիշի ավտոմեքենաները:
Ինչպես հայտնում է Shamshyan.com-ը, վթարի հետևանքով Opel-ի վարորդն ու ուղևորը տեղափոխվել են՝ վարորդը՝ «Արմենիա» բժշկական կենտրոն, ուղևորը՝ թիվ 1 համալսարանական հիվանդանոց:
Բախման հետևանքով Opel-ն էլ բախվել է երկաթե էլեկտրասյանը:
Ոստիկանությունը պարզում է վարորդների և վիրավոր ուղևորի ինքնությունը:
Աղբյուրի տեղեկություններով՝ վիրավորները հայր ու դուստր են:
