Առողջապահություն Կորոնավիրուս Հասարակություն 

Հայտնի է, թե օդի ինչ խոնավության պայմաններում է ճնշվում կորոնավիրուսի տարածումը

Օդի հարաբերական խոնավության պարագայում՝ 40-60 տոկոս, SARS-CoV-2 կորոնավիրուսը հիվանդներից առողջ մարդկանց փոխանցվում է ավելի հազվադեպ, քան առավել ցածր կամ բարձր խոնավության պայմաններում: РИА Новости-ի փոխանցմամբ՝ համապատասխան հետազոտության տվյալները հրապարակվել են ամերիկյան Յեյլի համալսարանի կայքում:

Ինչպես ցույց են տվել հետազոտությունները, վարակված կրծողներն առավել հաճախ վիրուսի մասնիկներն օդով փոխանցում են չվարակվածներին ցածր խոնավության պայմաններում: Բացի այդ, իմունային համակարգի՝ հարուցիչներին արձագանքելու ունակությունը ճնշվում է առավել չոր պայմաններում:

Միևնույն ժամանակ մասնագետները մատնանշում են, որ չափազանց բարձր խոնավությունը, ինչպիսին օրինակ արևադարձային երկրներում է, նույնպես բարենպաստ պայմաններ է ստեղծում վիրուսի տարածման համար, քանի որ թույլ է տալիս վիրուսի մասնիկներին հաճախակի նստել մակերեսներին:
Մասնագետները խորհուրդ են տալիս օդի խոնավեցուցիչներ օգտագործել տարածքում և պահպանել օդի 50 տոկոսանոց խոնավություն:

Գիտնականները հիշեցնում են, որ այս կանխարգելիչ միջոցը կօգնի նվազեցնել վիրուսի տարածումը օդով, բայց ոչ կաթիլային ճանապարհով, ինչը նշանակում է, որ անհրաժեշտ է լվանալ ձեռքներն ու ախտահանել մակերևույթները:

Կորոնավիրուսով վարակվածների թիվը աշխարհում վերջին տվյալների համաձայն՝ գերազանցել է 800 000-ը, մահացածներինը՝ 39 000-ը:

  •  
  •  
  •  
  • 1
  •  
  •  
  •  
  •  
  •  
    1
    Share

Նույն շարքից