Համացանցում հայտնվել են Գերմանիայի կողմից Իտալիա ուղևորված ինքնաթիռի լուսանկարները, որը նախատեսված է կորոնավիրուսով վարակված պացիենտներին տարհանելու համար: Լուսանկարները հրապարակել է The Sun-ը, փոխանցում է Լենտան:
Հրապարակման համաձայն, «Airbus A310 MRT MedEvac»-ը հագեցած է բոլոր անհրաժեշտ միջոցներով պացիենտների խնամքն ապահովելու համար։ Դրա համար այն կարելի է անվանել աշխարհում ամենաժամանակակից «թռչող հիվանդանոցը»: Նշվում է, որ ինքնաթիռը կօգտագործվի Բերգամո քաղաքից ծանր հիվանդ մարդկանց տեղափոխելու համար, ովքեր բուժում կստանան Գերմանիայում։