Հիմա կդժվարանամ թիվ նշել, սակայն նոր վարակվածներ կան ու ավելանում են, ինչը ցավալի ու անխուսափելի է: Այս մասին մամուլի ասուլիսի ժամանակ հայտարարեց ՀՀ Առողջապահության նախարար Արսեն Թորոսյանը՝ խոսելով բուժաշխատողների շրջանում կորոնավիրուսով վարակվածների մասին:
«Հետաքրքիր, զավեշտալի դեպքեր ևս կան, երբ բուժաշխատողները ոչ թե աշխատանքի վայրում են վարակվում, այլ՝ կենցաղային շրջանակներում, որոնք պարզվում են ու մեկուսացումներ են տեղի ունենում:
Մենք պետք է պաշտպանենք բուժաշխատողներին, ապագայում նրանց իսկ կողմից ծառայությունների շարունակականությունն ապահովելու համար: Բացի նրանից, որ նրանք մեր քաղաքացիներն են, այս պահին նրանք մեր ամենակարևոր քաղաքացներն են»,-ասաց Թորոսյանը:
